السبت 07 يوليو 2018 - 12:29 صباحاً

انتصار الضى

مصطفى منصور

شعر: مصطفى منصور ـ إهداء إلى مسرح طنطا



مفتتح


لما تنتصر الحقيقة
انتصار الضى ع العتمة الغميقة
انتصار الحق والخير والجمال
على كل شئ مستحيل او محال
انتصار الزقزقة ع الخرس المخيف
انتصار الحب ع الكره السخيف
انتصار الفن
ع الزيف العنيف
انتصار الفكر ع العقل الخفيف
تبقى للاحلام بقية
يبقى للوطن الهوية
تبقى الثقافة سلاح والفن يبقى بندقية
يرجع المسرح لدوره القديم
يحارب الفكر الغشيم
من تانى ترجع الامانى
تزهر بالاغانى
وبالثقافة والفنون
تتجمع الاحلام فى صورة تبتسم
تتجمع الالوان فى لوحة تترسم
تتجمع كل الحروف الشريدة فى جملة مفيدة
تشكل قصيدة او اغنية
او رواية لمسرحية
او تراث

ترقى ذوق احساس
تنور طريق الناس
.......................


هز الهلال هزة ياسيد
الشعب قوة الشعب سيد
مصرى وشارب من نيله
صارر غرامها فى منديله
قوم لحنله وغنيله
واحنا وراك هانقول ونأيد
هز الهلال هزة ياسيد
رجعنا للفن ودوره
غرقنا فى در بحوره
وابعدنا عن كل شروره
قوله من تانى يامصرى
قوم لها وانده عصرى
رجعنى من تانى لنصرى
الله معين والله مؤيد
هز الهلال هزه ياسيد
هز الهلال بيرم وبديع
وجاهين وفؤاد والابنودى
وقبلهم العم نديم
بيقولها قومى وعودى
شعبك اصيل ومتسيد
هز الهلال هزة ياسيد
هز الهلال محفوط وحكيم
ادريس واحسان وحقى
ودول ادبهم من حقى
هز الهلال لحن غنى
زيح الهموم عنها وعنى
لجل الوطن يفرح ويعيد
هز الهلال هزة ياسيد
هز الهلال واحكى السيرة
مشرفة وحمدان  وسميرة
من صغرها فى العلم اميرة
وعباقرة من ارض بلادى
من هنا من الناحية دى

الشاذلى ورياض والشافعى
والعسكرية دى شرفنا
واديبنا وبقلمه الرافعى
يرفع همم يرفع راسنا
والعالمة فى الذرة سميرة
دول نبت أهالينا وناسنا
وامينة فى الفن مسيرة
وفوزى لحن جرنالنا
وسميحة وسهير فى المسرح
ماسابوش لغيرهم ولا مطرح
وان كنا ناسينها  هدى
سلطان فنها هايفكرنا

هز الهلال هزه ياسيد
لجل الوطن يفرح ويعيد

 






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader