السبت 09 يونيو 2018 - 01:43 مساءً

"فرع توت".. قصيدة

طارق شعبان عبد الله

شعر: طارق شعبان عبد الله

 

لسه بتدور

ع البيوت

لبسه

شال أسود

وأيدها

ماسكه عكاز

فرع توت

الشوارع هس هس

واربت

شباك بيتنا ابص

شوفتها

بتنادي حس

أمي

اللي ماتت من زمان

بس كان

في صوتها ناقص

نبرة الشوق والحنان

ارتعشت

والأمان مابقاش أمان

لما جات

عالباب تخبط

جسمي نمل في المكان

فجأه

طلعت مني صرخه

هي

راحت بردوا صرخه

فضلت اصرخ

هي تصرخ

الصريخ شق الحيطان

بس لما الفجر أذن

صحيت الناس والجيران

هي مين ندهت عليا

ولا مين دق البيبان؟






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader