السبت 09 يونيو 2018 - 01:38 مساءً

"لو صحيح".. قصيدة

نسرين الأعصر

شعر: نسرين الأعصر

 

لو صحيح حبيتي واحد

وادتيه روحك وقلبك

حسسك كل المشاعر

سمعك كلمة بحبك

قالك انتى فـ قلبي دنيا

وانتى مش جواه لوحدك

كنتى يادوب واحدة فحياته

ضمن ياما اتحبوا قبلك

لو صحيح حبيتي واحد

يملا قلبك بالوعود

تنسي بيه كل اللى فاتك

يبقالك كل الوجود

يوم بيمشي

ويوم يعود

ساعة ليكى

وساعة تانيه

لواحدة تانيه

والتانيه تسلم لتانيه

وانتى قاعده

لاحول ليكى

تستنى بس يلغيكي

او يفكر لحظه فيكى

تزعلى ولا بيرضيكى

كل همه

ان يحس بس انه

لسه مرغوب مـ الجميع

لسه بتحبه فلانه

ومش مهم مين تضيع

لو صحيح حبيتي واحد

حسه انه فهم لغاكى

روحتى عشان تشكيله همك

فاكرة دا هيبكى لبكاكى

لكن قلبه كان هلاك

عمرة فمره مكان ملاك

هو يادوب

يرمى الشباك

للضحية

ايوا هى تمثيليه

تتلعب على دى وديه

اصله ملوش فـ المسئوليه

والنهاية اخرها واحدة

لوحة و بترسم هموم

كل يوم

فيها واحدة جديدة ديما

فيها قصة جديدة ديما

والضحية

هيه هيه

واحدة بتسلم لواحد






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader