الخميس 07 يونيو 2018 - 02:14 مساءً

"سك البيبان ع الحلم".. قصيدة

شعر: محمد محرم

شعر: محمد محرم

مش كل حد بيحضنك بيخاف عليك

و لا كل واحد نفسه فيك هيكون معاك

و مافيش صدف هتجمل الصورة ف عينيك

ولا برفانات هتعدي تتخم ف هواك

لسه الامل مركون في خانة امنيات

لسه الجراح ماسكين في ياقة سيبته ليه

كل الصور بتأكد ان الممكنات

مفروشه قدام خطوتك

و انت بغباءك حطيت طريق للمستحيل و مشيت عليه

مستني ليه الصدفه تولدلك نهار

و انت يوماتي بتضرب الدنيا بشاكوش

و بتحرق الجرح القديم

بسيجارة ع اللي مايوجعوش

سك البيبان ع الحلم

و اياك تعاكس تاني حد ماكبركش

من كام سنة بتعاكس النجمه البعيدة في السما

ماتعبركش

و تعاند الليل الغبي و يخسرك

سك البيبان ع الحلم ليعورك

و امسك في ياقة حلمك اديه بالقفا

و اياك تحاول تاني مرة تكون جرئ

الدنيا مابتحضنش تديك الدفا

و الدنيا مابتقبلش بني ادم صديق






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader