الأربعاء 16 مايو 2018 - 11:47 مساءً

"مريم.. قصيدة

محمد هانى

شعر: محمد هانى

سارح في ارض الله
بناجي الطير وأوراق الشجر
واسرد حكايتي سكات
ينوح الحجر
ويئن صوته يرد في وريدي
ببدأ باسمك قبل بدء القول
وقبل اي وزن او قافية
ببدأ بصورتك الطيبة الصافية
بحوش الدمعة من عيني
تنزل وبالعافية

رافع اديا بطلب التوبة
عن اي حب في قلبي معرفهوش
واكتب في حبك كلام ولساني مينطقهوش
اوقات بيتجمل بعض السكات بالبوح
معرفش ان كنتى لقلبي طوفان
يغرق الافراح
 وﻻ سغينة نوح
ورجعت معاكي بالذكري
 لمريم العذراء
وروحها اذ انتبذت
اقصي  مكان في الارض
كانت نقطة ملامح من براءتك
كنت انا جزع النخيل البكر
غطي العرق ضهرك
 روحك الطاهرة سندت علي
دراعي
رطبت بالسمرات الحكر
رغم اوجاعي
غطيت في اوجاعك
متفكريش يا حبيبتي
انك هزيتي جزع النخلة بدراعك
لا كنتي تقدري عالهز
وﻻ كانت لروحك قوة من اصلة
كل الحكاية انك لقيتي نخيل
جدع حن لبراءتك
رطب عليكي بخيرة وبأصلة
ده حتي لما حن
قولتي ان انتي الي هزيتي
نسايمك طلت علينا بنور نبي
 شغلك عن حنين الجزع
وﻻ خدتي واديتي
طليتي لكل بيبان العشق يا حبيبية
ومطلتيش بيتي

وليد انا علي اديكي ودنيتي انتي
فتحت عنيا علي حبك
طفل لاول مرة يشوف
شوفتك في عيني طشاش
او فص ملح وباش
مصدقتش المشهد
دققت في التفاصيل
بدأت دموعي تسيل
كلمتك وانا في المهد
وروحي ﻻ تزال في النهد
وحبيتك الي ان وصل الحب منتهاااه
وشاورتلك بسكون في الروح
بتطرح خير علي طريق النجاة
يا مريم الطاهرة خليني انا طفلك
واياكي في يوم تفلتي
 لحسن هموت بعدك
متكدبيش وعدك
لو كنت انا عالم بعلم الغيب وبالتاويل
ما كنت انا حنيت
لو كنتي يا مريم اتمسكتي باللهم ما حرفوا الانجيل
ولا في يوم حبيت
انا ابن ريح الحب نجاني من الحيرة
أصبحت ليكي ملك يتباهي باميرة

ازاي بتاخديني من دنيتي
وناسي لدنيا معرفهاش
بلمح طراطيف الجمال
ورمشي ميستحملش
ضحكك مطر شتوي
وليلة ماسك ورد
متحزنيش والنبي
لحسن بخاف البرد
خلي يا حبيبتي افراحنا
تدوم علي خدك اللولي
وداوي حزن طفلك العاشق
نسيني كل حياتي من قبلك
خلينا في كل وقت حياااه
حبيبتي ازي هنبني السور
ما دمنا بالحنين برااه
 ملت ضلوعي تبدا باسمك
مع كل شهيق وزفير
يتجمل الناي الحزين في عنيا
ومن عشقي ليكي يغير   
تتباعد المسافات ما بين الناس
لكنك وحدك ما بتبعديش عني
كل ما اتذكر سكوتك
انا قلبي بيغني
واكلم القمر عنك
يواسيني بعنيكي
يشهد علي حبك
وعلي فجر جي جديد
يشهد علي صيامي
يوعدني يوم بالعيد  
ده الفجر أقرب من عيونك
وعيونك انتي نهار
والشعر أضعف من انه يوصفك
ميوصفش الحديد النار
فسيبيني احبك اوي
وسيبيني في عشقك دايب
ﻻ انتي يا حبيبتي بس معشوقة
وﻻ انا حابك زي كل الحبايب
ازاي بحبك كدااااا






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader