الثلاثاء 12 سبتمبر 2017 - 09:16 مساءً

"احضن الدمع بكفوفك".. شعر

داليا الصلاحى

بقلم: داليا الصلاحى


من صغره اتعلم يشيل

شايل هموم على كتفه شيل

لمّا يصحى يفرك عينيه

يشوف نهاره بادئ بليل

انتو بصيتوا لهدومه ..

وللا حسيتوا بهمومه..

وللا عارفين راجع بإيه..

راجع ف إيده حبة دموع

وف جيبه إيه.. قول كام جنيه

ما هو يوم معاه ييجي كام جنيه

وتيجي أيام ما معاهوش

شايفين حياته.. وللا انتوا حتى ما بتشوفوش..

سامعين سكاته .. وللا عاملين ما بتسمعوش..

كلمة واتقالت خلاص..

إنت راجل..

يرضيك نعيش من غير فتات..

طب مين يشيل المسئولية..

ويخلي باله م البنات..

كلمة خليها في سرك..

حاسس انك لسه طفل

نفسه يخرج.. نفسه يلعب؟

خلي لعبك من سكات..

إنت طفل بس راجل..

احضن الدمع بكفوفك..

اوعى حد يحس خوفك..

قلبي حسّك لمّا دمعي..

ندّى منّي فوق خدودك..

انتو حسيتوا معايا..

وللا لسة ما حسيتوش..






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader