السبت 02 سبتمبر 2017 - 01:48 مساءً

"وانا بحبى".. قصيدة لـ خالد الكردى

خالد الكردى

وأنا باحبي

يادوب باحبي

واقرب حبة من قلبك

تصديني

وايه ذنبي ومش طالب

بدون ما تحسي

 حبيني

انا عاوزك بنظرة شوق

يارقة وذوق

تبصيلي

تدوبي جوة تكويني

تمدي ايديكي تخديني

وبين الرمش والنني

هاقول اني مانيش جني

أنا عاشق جمال عينك

دايب فيهم حالم بيهم

 فقولي الكلمة او بالرمش

 ضميني

وخليكي شراع للحب

وانا باغرق

ف  بحرعيونك الوردي

وطيفك جنبي بيعدي

فايفرد لي جناح قلبك

يعديني

واكون جسرك

وحاسبي وانتي بتعدي

تدوسي ياقلبي علي قلبي

واخاف مرة يكون عندك

 سبب بعدك

واعيش في الوحدة

انا ف بعدك

فاتجرحني

تبكيني






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader