السبت 02 سبتمبر 2017 - 01:41 مساءً

"دموع فرح".. قصيدة لـ طارق شامخ

طارق شامخ

دي دموع فرح

الدمع فارش ع الخدود

والشوق طرح

جوه العيون حبة وعود

وكمان سرح

والدمعة نازله حنينة

متزينة بلون الهوى

متحزمة يادي الهنا

الليل طرح

حبة نجوم حبة ورود

على توب فرح

وإيدين بتحضن بعضها

وعروس بتمسح دمعها

والعم واقف جنبها

بيقول ربح

قلب العريس من قلبها

كل النفيس من حسنها

أما الرخيص مش طبعها

ولا يوم لمح

الحزن خصلة شعرها

بس الحقيقة إنها

صعبان عليها أهلها

وسنين مرح

ماتت زمان مع أمها

مع ذكرى حلوه عنها

واليوم خلاص يوم عرسها

الخير نضح

والشمس حاضنه في ضلها

والطرحه شيلاهاأختها

وضفيره من فوق صدرها

والتاج وضح

دي دموع فرح






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader