السبت 26 أغسطس 2017 - 02:35 مساءً

"خد أجازة".. قصيدة لـ نهلة زكى

نهلة زكى

خد أجازة ..

من عيوني .. من جنوني

من نيران غيرتي و ظنوني ..

من دموعي لما تبعد ..

لما تغضب ..

لما بازعل و تراضيني..

من هروبي لحضن قلبك ..

لما دنيايا تعاديني ..

والغي اسمي من رسايلك ..

وامحي صورتك من عيوني ..

واوعى تسمع أي غنوة ..

أحسن اطلع من كلامها ..

تلقى صوتي بين حروفها

وابتسامتي بين نغمها ..

خد أجازة .. واوعى ترجع

إلا لما تحس شوقك

أقوى من كل الألم ..

لما تلقى زحام حياتك

كله من بعدي عدم ..

لما تلقى صورتي شاغلة

كل وقتك كل يومك ..

كل شارع تمشي منه ..

قهوتك .. عطرك .. هدومك

خد أجازة م الليلة دي

برة كل حدود بلادي ..

واوووووعى ترجع ..

إوعى ترجع ..مهما أبكي

مهما أغضب .. مهما انادي ..

اوعى ترجع ..

الا لما تحس إن بدون وجودي

الكون دة فاضي

 

 






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader