الاثنين 21 أغسطس 2017 - 02:38 صباحاً

(كاشير الماركت).. قصيدة لـ محمد عبد المعطى

محمد عبد المعطى

بعد أما صارعت........

فى مشاوير الدنيا كتير وهادنت

انك تجتر الماضى...... عادى

وانك ترجع تتلذذ المة...... عادى

لكن الغير عادى........

أن صاحبت البرفان متعتق

ومعطر بدخان سيجارتها الكينت

تعود من تانى

تتكعبل ف ملامحك عند كاشير الماركت

وتحقق أكبر تارجت فى تاريخ الفكرة

صورة الموناليزا......

اللى بتموت وبتحيا بمرور الوقت

وأن التجاعيد وأن بانت

تديها كاريزما بحس ملايكى

مظبوط بالمللى تقولش كمنجة

وهى بتنطق خلى........

حسابك عندى واصل

من وقت ماحطيت حلمك على حلمى

وخبيتهم جوة شنطة كتفى

ومهما تطول مواعيدك ف الغيبة

يفضل سحر الرعشة.......

وذهول اللحظة..........

وبراءة الصمت........

هو السايد بينا

وتصير الزنة ترن ف قلبى وقلبك

لمعاد الصدفة الجاى






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader