الأحد 20 أغسطس 2017 - 12:30 مساءً

"شيطان إنسان".. قصيدة لـ مريم العزب

مريم العزب

تحت تأثير المخدر

كان بيكدب

وكان تملي يقول عليها اجمل من كل البنات

كان تملي يشوفها كل حاجه ف الحاجات

يتحايل علي صدفه تجمعهم يوم تجمعهم ايده ف ايدها

وبيدعي نصيبه يكون بيتها

وبيبكي يوماتي علي فراقها

ويكدب كل اللي يقول كانت

ويقول هاتكون

مأمنش انها اصلا راحت

ومصدق انها هاتجيلوا ف يوم

وبيحضن نفسه ف آخر الليل

سهران بيواسي ف قلبه عليل

بيضم ف احلامه صورتها

ويعاتب ويلوم قلبها

ويقولها

قدامك يوم

وتكوني معايا

مش هسمح بفراقك تاني

من غيرك قلبي انا بيعاني

والشخص اللي انا فضلته عليكي

اهو جه اليوم ورماني

بالفعل بقيت وحداني

وبكرر كل كلام قولتيه

بعتني ليه

مش لاقي اجابه

ولا حتي مبرر لخطيئتى 

ولا عارف افسر ده  بإيه

ولا عارف اقول سامحيني عليه

انا عارف اني اساسا كداب

عشتي معايا الحب عذاب

ومكنتش بسمع ليكي عتاب

ممسحتش دمعه ف يوم ليكي

كان قلبي بيستقوي عليكي

رغم اني انا كنت ضعيف

والله ضعيف

قوتي كات بيكي

تضحكي ضحكه وكأن الكون وياكي بيضحك

وماكنتش حاسس

ولا كنت بفكر ارضيكي

ولا اصالحك

ولكني بحبك

بحلفلك بالله اني بحبك

والله ماخونتك

ده كان شيطان بيوسوسلي اني أشوف غيرك

انسان غبي

كان قلبه ضعيف

وايمانه ضعيف

غصبا عنه فلتت منه قواه العقليه واصبح مختل

زاغت عينه

علي واحده بتضحك ضحكه تمام

شافها ب عينه

كان عيل طايش مش فاهم معني الاخلاص

وانه خلاص عدي التلاتين

او انه ف قلبه خلاص واحده

استكفت بيه

ومحافظه عليه

ولكنه شيطان

شيطان انسان


مصدر الخبر: جريدة الرأى للشعب ـ النسحة الورقية





مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader