الأحد 23 يوليو 2017 - 02:59 مساءً

بالورقـة و القلـم

منـي أبوغالي

بقلـم: منـي أبوغالي
 
بالورقه والقلم خدتيني ١٠٠قلم  انا شفت فيكي مرمته وعرفت مين اللي اتظلم ..... هذا هو المعني المناسب لما نمر به هذه الفترة  قريبا تنتهي فترة التظلمات الخاصة بالثانويه العامة والمستفيد الوحيد هي الوزارة فقط لا غير حيث يدخل ميزانيتها ملايين حصيلة التظلمات بتروح فين الملايين دى العلم عند الله وعند اللي بيوزعوها  المهم دع الخلق للخالق  بس السؤال اللي مالوش اجابه وبعدين الي متي  سنظل كأولياء امور وطلبه مجرد سبوبه  الي وزارة التربيه والتعليم  يعني ايه كل المسموح بيه في التظلم اني اجمع درجات  يعني ايه يكون لي اجابه صحيحه وتحتسب خطأ او احصل علي درجة بسيطه رغم اجابتي النموذجيه وعلشان اثبت حقي لازم ارفع قضيه وموووت يا حمار علي ما القضية يتم الحكم فيها..
 
هو اللي وضع قوانين الثانويه العامة دى ايه نبي من الانبياء مش ينفع نغير قوانينه ولا كتاب انزل علينا من السماء  ليه الوزارة بتشوف الظلم واضح وتعمل نفسها مش شايفه الا بالورقه والقلم  الاف الطلبه  يتم ظلمهم  والتعدى علي حقوقهم بدون وجه حق ولما تعترض يقولك روح اشتكي ولما تشتكي  يقولك اللوائح والقوانين اللوائح والقوانين اتعملت ليه علشان حماية الشعب ولا ظلمه وبهدلته وكرامته التي تهان  باليوم مرات ومرات أعضاء مجلس الشعب ولجنة التعليم خاصة دوركم ايه في كل هذا..
 
الدور اللي انا مش شيفاه بصراحه من وقت ما بقيتم اعضاء  التعليم يا سادة أمن قومي  التعليم يا ريس هيخلي البلد مش ضايعه التعليم يا ناااااااس هو الاساس  ارحمونا علشان بجد زهقتونا وكرهنا حياتنا بسببكم  وولادنا كرهت التعليم بسبب قوانينكم  كسرتم النفوس والفرحه لكل البيوت  راجعوا حسابتكم مش حسابات البنوك لا حسابات الضمير اللي قضيتوا عليه.





مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader