الأربعاء 14 ديسمبر 2016 - 12:31 صباحاً

عكـس الســير

الطيب أبو شوشه

للشاعـر: الطـيب أبو شـوشه


ما بقتشي احتاج لك زي زمان

ولا عدتي أميره خيالاتي

من قسوة قلبك والحرمان

مش قادره تروح لك خطواتي

وامشي لك وابقى وصلت هناك

إهمالك يجرح حكاياتي

وأتوه من نفسي ف سؤالاتي

يوجعني سؤال ساكن روحي

ليه كل الماضي بقى الآتى

وبرغم بعادك وعنادك

انا لِسَّه بقدف لبلادك

وبعاتب ف الضلمه حيادك

وجمودك بيزيد جراحاتي

انا لِسَّه بحبك زي زمان

انا لِسَّه بشوفك بحر أمان

وحروفك ف الموج عزف كمان

يا جنوني وبلدي وغرباتي

 

من ديوان "مشاوير الليل والناس"






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader