الأربعاء 14 ديسمبر 2016 - 12:15 صباحاً

"ضــى"

الطيب أبو شوشه

للشاعر: الطـيب أبوشـوشه


غرامك خارج التوصيف

حضورك احلي نسمه صيف

يا لام اللمه ف التعريف

يا صاحبي ف وقفه الشده

ياهمزه وصلي بالعالم

يا سانده حروفي بالشده

وبين قلبك وبين قلبي

مشاعر رحمه وموده

وبينا كتير وعشرة عمر

غرامك شهد يمحي المر

ف قربك كل خوف بيمر

وبعدك كسرتي وهده

خديني ضي لسنينك

وخبي دمعتي ف عينك

هيرقص قلبي ف جبينك

إذا الليل جاب ولا ودا

بحبك أسفي ف الغيبه

يا أختي وأمي وحبيبه

ياطيبه ما بعدها طيبه

صباح من نورها يتوضا

بحبك لاجل عمري الجي

جعلتي من ضلامي الضي

يازي لكل شئ مش زي

بحبك ايوه من مده

 

من ديوان "مشاوير الليل والناس"






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader