الجمعة 25 نوفمبر 2016 - 11:20 صباحاً

مـن الممنـوعات

الشاعر ضياء غنيم

للشاعـر: ضـياء غنيـم


عماير قديمة وشارع قديم

ومشهد فسيما وغنوة حليم

وازمة ضماير

ولون الضفاير

وكشك السجاير وعم ابراهيم

شوارع بتضحك فوش العيال

وحلم الغلابة ببنت الحلال

وحبك إشاعة

وحرب ومجاعة

وصوت الاذاعة وخطبة جمال

كنايس جوامع ونجم وامام

ونشرة وجرايد وزحمة كلام

وطعم الجيلاتى

وجمعة الساعاتى

وعبده الالاتى وداير حمام

جزارة حلاوة وسوق الخضار

وعالم بتكره تشوف النهار

عرابي المحامى

وكاتب حرامى

بيلقب كلامى سيناريو وحوار

ولبس المدارس لعادل وزينة

وعالم بتفرح وعالم حزينة

وتور السواقي

وغنوة حماقي

وماتش النهائي وزفة وزينة

وصاحبي اللي فاهم وعامل عبيط

ومولد وسهرة وخمرة ونبيت

وطعم القهاوى

وغرزة قناوى

وعشق بلاوى وكتر الحديت

وقطر الغلابة وطعم الحاجات

وكره الكآبة .. وغزل البنات

وخرم فعجلتى

وكسر فمرايتى

وحبك حبيبتى من الممنوعات






مقالات



استطلاع رأي

هل تتوقع اثرا ايجابيا على الاقتصاد من تعويم الجنيه؟

  • نعم
  • لا
  • لست أدري
Ajax Loader