الخميس 24 نوفمبر 2016 - 11:53 صباحاً

ليـلى

الشاعر حمدى ليلة

للشـاعر: حـمدى ليـلة

 

من زماااان ..
يجي من عمرين تلاتة
يعني ...إلا
كان فيه بنت ف مدرستنا
حاجة تشبه سندريللا
بس هربت م الحكاية
وجت في هيئة نور وضي
وكل شيله يشبهله
إلا (ليلى) ..ماليها زي   

(ليلى) كانت وردة طالعة
ف تاني تختة ع الشمال
درس ف كتاب المطالعة
حصة ف أصول الجمال
والعيال حفظوها صم
وانتوا عارفين العيال !   

(ليلى) كانت بسمة الدنيا
وحلاوة الانتظار
نبضة القلب البريئة
والشغف والانبهار   
أيوة يعني ..باختصار
(ليلى) كانت شهرزادنا
واحنا يجي...
ألف واحد شهريار       

(ليلى) كانت لما تضحك
ندعي إن اليوم يطول
وأما كانت بس تحزن
تبكي جدران الفصول
(ليلى) كانت..
فسحة القلب الصغير
اللي مهما كان هيصبر
عمره ما كان راح ينول   

(ليلى) زي (ليالي) جيلنا
كان وصالها ..مستحيل
خدها فارس ...مش زميلنا
واحنا خدنا (ليالي) جيل
بس لسة بنفتكرها
ف كل صبح وكل ليل
عارف إنه ماكانش حب
بس كان ..
إحساس جميل ..






مقالات



استطلاع رأي

كيف ترى فرص مصر فى الصعود للمونديال؟

  • جيدة
  • متوسطة
  • ضعيفة
Ajax Loader